اللمسة

اللمسة الحاسة الوحيدة من ضمن الحواس للي محدش اتحرم منها , للي مش بيقدر يتحرك ممكن تلمسه انتا وتحسسه بيك .. يحس بحنيتك , رقتك او حتى عنفك . ساعات الكلام مبيقدرش يوصل او مبيطلعش في اوقات صعب تعبر عنها بحركات بتعملها احبال لكن طبطة على كتف , حضن بايدين لايد , مسحة دمعة بتنزل , تقدر توصل وتوصل لقلب للي قدامك بس بلمسة .

ه

قلبى انشرح
وبؤبؤ عينى غير لونه
لبس فستان ابيض
وعمل فرح

عصافير

عصافير
قاعدين فى قفص
عالم صغير
رفرفة جناحات
ظنون انهم طايرين
هوا يطير رزقهم
غراب يستقوى
ايد تشيل يمين وشمال
حيطة بتتشقق
ولو مرضتش بالحبس
حتموت على الرصيف
مش غلطانة ولا عملت ذنوب
تستاهل ده العذاب
ولكن المشكلة
انهم عصافير
عصافير الوان

أنا مت ؟ و لا وصلت للفلسفة

المادة - ليست التى تشغل من الفراغ حيزا - الحياة المادية براحتها وسكونها وصفاءها , ان تكون فى طقس مكيف درجة الرطوبة فى الهواء محسوبة لراحتك .. شهيق منعش .. زفير مريح .

حين ينطلق العقل على موجات بحر الهدوء والراحة الجسدية , الراحة الجسدية التى بدونها لن تستطيع روحك ان تعمل كما ينبغى يدور عقلك بطاقته القصوى تصل لنتائج تكون اول من ينبهر انك وصلت لها .

لا ادرى كيف كان الفلاسفة يتفلسفن فى الحر بدون موسيقى هادئة , وجه جميل صوت عذب فى ظل شجرة ياسمين وعبيرها يتسلل الى القلب بخفة كبير اللقاطين .

وانا الان جزء من هذ الجو الساحر استطيع ان اعرب معلقة , اخطط لنهضة العرب او حتى اضع اسس لدين جديد .

توك توك

توك توك ماشى
فى شارع ضلمته سودة
لمبتينه مش منورة كفاية
مش عارف يشوف قدامه
ولا قادر يرجع لمكانه
وراه طابور مليان
عربيات كبيرة وصف طويل
ماشى على نور للى وراه
لما يبطل النور يقف
ولما يجى يحبى
لسه السكة بعيدة نهايتها
ياترى الزمن حيكفى توصل
ولا حتتهرس وسط الطريق
من الصف الطويل
للى وراك

واى

ليه كل مبشوف
حاجة بحبها
حاجة تريح
تمد ايد
بفتكرك

دق

مسحتهم بأستكية
من على ورقة اللى فات
وبنفخة طارت بقاياهم
جثث اتحللت
مش باقى غير الرفات

وبورقة منديل كلينكس
روقت مكانهم
وفى دفتر الاسماء 
علمت عليهم كلهم
اكبر اكس

جبت قلم دهب
مليان حبر ماءورد
وكتبت اسمك

وعرفت فين قلبى
لما دق
لاول مرة
حسيت بالدق

السبت الروش

حكمة انبارح

للى عنده فرحة محيراه يشغل مصطفى كامل ويعيط معاه

فكرة مجنونة

كنت عاوز ارخص برنامج فلقيت كذا نوع من انواع التراخيص ترخيص لو استخدام غير تجارى وترخيص للاستخدام التجارى وطبعا التجارى اغلى وفى الحالتين مش حتفرق معاك حاجة فى البرنامج , فبحثت فى الحكاية ديه واكتشفت ان الناس الاجانب بيحترموا اووى حقوق الاستخدام - على الاقل الاغلبية - وبيقروا الشروط كويس - للى بنضرب فيها نكيست نيكست - عشان كده الدنيا متطورة عندهم وربنا مبارك فى علومهم عشان كل واحد بيراعى حق التانى فالعدل اساس الملك مش الفهلوة .


خواطير

جرنال الاسبوع بيخلى الدنيا غامقة وبيحسسك انك عايش فى عزبة , فسرحت بخيالى كده هو فيه حد الناس كلها بتحبه ؟ ولا فيه حد بيعجب الناس كل للى بيعمله ؟ فيه ناس اكل عيشها المعارضة والنقار علطول ماشيين بمبدا انا اعارض اذن حطلع فى التلفزيون واكتب فى الجرايد وتبقى سبوبة اخر حلاوة , وانا متأكد لو حد من المعارضتيا وصل لمنصب عمدة مش حيعرف يعمل حاجة من للى بيقولها لسبب بسيط
ان الكلام مفيش اسهل منه ....