٢٠٠٨-٠٨-٣٠

دق


مسحتهم بأستكية
من على ورقة اللى فات
وبنفخة طارت بقاياهم
جثث اتحللت
مش باقى غير الرفات

وبورقة منديل كلينكس
روقت مكانهم
وفى دفتر الاسماء 
علمت عليهم كلهم
اكبر اكس

جبت قلم دهب
مليان حبر ماءورد
وكتبت اسمك

وعرفت فين قلبى
لما دق
لاول مرة
حسيت بالدق


هناك ٦ تعليقات:

غير معرف يقول...

هييييييييييه
انا اول تعلييييييييق
ياعينى يا عينى على الكلام المتنقى
اروع مافيها التفاؤل ده
لونها وردى قوى
يابختها ياعم
;)
تحياتى وكل سنه وانت طيب ومن كويس لأكوس دايما يارب
@};-

FemTo يقول...

الله يخليكى ياوينكى

هيا تستاهل :)

وعقبال منكتبلك فى يوم فرحك يارب

maha يقول...

femtoسلام عليك
ياااه بقالي كتير معلقتش عندك ..
انت فين ؟؟؟؟...
فرحانه جدااا بالحب و التفائل الموجودين عندك في المدونة مش البوست ده بس ...
يا رب تكمل الحكاية بنهاية جميلة
and live happly ever after:)...ربنا يسعدكوا يا رب
سلام
مها

FemTo يقول...

وعليكم السلام يامها

حمدا لله على السلامة فينك بس

الله يخليكى يارب , والله انا مبسوط انك رجعتى تعلقى تانى وربنا يكرمك ويسعدك ان شاء الله

انا رايحلك اهو فى المدونة نشوف عملتى ايه فى غيابى

maha يقول...

سلام عليك يا femto
زيارات مكثفة بس حبيت اكتبلك حاجة مهمة اوي...
عايزة اوصيك علي حبيبتك اوي ..
مدام حبيت بنوتة حافظ عليها اوي و خاف عليها ..متزعلهاش و متخوفهاش ف لحظة منك ..خليك دايما مهتم بيها و باحساسها و حياتها
متبعدش عنها و خليك دايما حواليها
و هتلاقيك انت اول شئ دايما في حياتها ..
حبها اوي و اوعي تكسرها يا femto ..
ربنا يسعدكوا سوا و تحافظوا علي بعض و علي حبكوا..
سلام
مها

Unknown يقول...
أزال المؤلف هذا التعليق.