غريبة الدنيا ..

مفاهيم وحاجات كتيرة ببقى  مش فاهمها

1-  ليه اشرف عبد المنعم  بتاع الاهرام للى بينقد  اغانى الدنيا والاخرة  مش بيعمل اغانى  فيها كل الحاجات للى بينقد الاغانى التانية عليها

2-  ليه  فيه  ناس بتسرق  اغانى   اجنبية  باللحن والتوزيع , فاكرين  ان   للى بيسمعوهم  معندهومش ايميل  ؟

3-  ليه الرؤساء والناس المهمة بيبقوا شايفين بعض وممكن متغدين  كمان  بس لما المصورين يجوا  يسلموا على بعض اكنهم  واحشين بعض  , هما ليهم نسبة على الصور ديه ولا ايه

4-  شفت  لقاء  لدكتورة  عبلة الكحلاوى  مع مذيعة  اسمها دينا  عبد الله .. المذيعة  كانت  مغطية  شعرها وبعديه  شلته تانى  بعد اللقاء  ده .. هيا  بتاخد الدكتورة  على قد عقلها ولا ايه ؟