٢٠٠٨-٠٤-١٦

النهاردة يوم مش عادى

لو افتكرت انهاردة زى انبارح او اليوم للى حتشوفه  بكرة فااحب اقولك انك غلطان

النهاردة يوم كل  الناس حتفتكره , يوم حيتكتب فى الكتب العلمية , امى فرحت فيه جدا

محلات الهدايا بتزقطط , بتوع اللعب بيناموا مبسوطين , انهاردة 16 اربعة .. مبيفكرش بحاجة  ؟؟

فى اليوم  ده اول مرة الدنيا تسمع واء واء  منى ... اول نفس اكسجين شالته الكرات الحمراء فى دمى

اول  ضوء مر على قزحية عينى   ..  ثانى  صوت اسمعه  بعد صوت دقات  قلبك يا  امى  

بالظبط  كده  عيد  تحرير  سيناء ... هههههههههههه  النهاردة عيدى ياجدعان

عيد ميلاد  احلا الفماتيت .. يارب تفضل بصحة وتعيش  ياحبى  علطول  سعيد



اه بكلم نفسى :) 






فقلت  مدام  بقالى كتير  هنا  احسب عملت  ايه فى ال 22 سنة  للى فاتوا

نمت 8  سنين منهم ,  يتبقى 14  سنة

وقول 7  سنين عيل  مش فاهم حاجة يتبقى  7 سنين

وقول  سنة  باكل  وبشرب  وعند الحلاق  وفى المواصلات  وبلعب  

يتبقى  6 سنين  ..

استفدت  منهم  بحوالى  شهرين  , والباقى  كنت بضيع  وقت :((  يعنى طبقا  للحسابات الفلكية خسران  لحد دلوقتى .


بالنسبة  للحسابات المعيشية :

1- انا بصراحة  بحس ان ربنا بيحبنى  اووى  علطول  بتحصلى حاجات  حلوة وحواليا  ناس كتيرة  بتحبينى

رغم  انى صراحة  بزعله  كتير  ,,  حتغير  ان شاء  الله  من اول دلوقتى  يارب  ارضى عنى  وسامحنى  يارب

2-  اكتشفت  انى  جوايا  طاقات كبيرة واكثر من للى بيبان عليا

3- خلصت بتاع 6 علب  سيركوسات  

4-  جبت حاجات  كتير  من للى نفسى فيها - بشغلى وعرق جبيبنى -   من اهمها السبورة  الوايت  بورد

من  زمان  نفسى اجيب  سبورة  وافضل  اشرح عليها  لنفسى  وامخمخ

جبت  لاب توبى  حبيبى

جبت  قطة  وسمتها  كوكى

جبت كام كتاب كان نفسى فيهم  من  زمان

5-  حاجات  وحشة حصلتلى  مش كتير بس اوحش  حاجة  ان القطة للى جبتها  ماتت

6-  مستوايا  زاد فى  البرمجة  والحمد  لله عملت  الشركة  بتاعتى  وبقه  ليا  عملاء  بيجبونى  بالاسم

تقريبا  كده ابقى  بالنسبة  للحسابات المعيشية كسبان لحد  ما



تغييرات  فى الشخصية  : 

ثقتى  فى  نفسى زادت جدا , بعد  مرحلة اضمحلال  وكريف  كان نازل اووى
بقيت  اكثر  التزاما  واحتراما
بقيت متهزش  مهما حصلى ,  انا جدع  نيهاهههاااااااااا

كسبان  هنا برضه 2  واحد  ياهوووووووووووووو


تغيراات  جسمية  : 

للاسف وزنى زاد  ومبقتش  العب رياضة  -  باعتبار  ان  الشطرنج مش رياضة  -  وحاسس  انى  بقيت كسلان
والحكاية  ديه غيظانى  جدااا


كده  اتنين  اتنين  " بركاتك  يا اوسة  " :)


ايه  ده تعادل ؟؟؟   

لا مدام ثقتى  زادت فالعدو حيجيب  جون  فى نفسه  وابقى كسبت 3 -  2  العب  ياحضررررررى


كده الحمد  لله الكام  سنة  لللى  فاتوا  كانوا مناسبين  لحد ما ,  وان شاء الله  الجاى  حيكون  احلى  على  راى  وينكى :)


سلام


هناك ٥ تعليقات:

MonTexo يقول...

كل سنه و انت طيب يا عم فيمتو :]

مفيش هديه ليا ولا ايه بمناسبة عيد ميلادك يعني :D

سمراء يقول...

كل سنة وانت طيب
وعقبال مليون سنة
تحقق فيهم امنياتك
جميل قوي ان الواحد يقدر يراجع خطوات حياته ويقيمها ويستفيد منها
كل سنة وانت طيب تاني
سمراء

micheal يقول...

كل سنه و أنت طيب

esraa يقول...

كل سنة وانت طيب يااحمد

أنا أسفه انها جت متأخر بجد

حقك عليا

ويارب عقبال 100000000 سنة

FemTo يقول...

الله يخليكم ليا يارب

ونتم طيبيبن وبالصحة والسلامة يارب