٢٠٠٨-٠٤-١٤

اى كلام

حلفت لاقول وياريتنى قولت محبتهاش !!!

الجملة  ديه   بتقلب الافكار فى مخى العبقرى وتعمل فوران فى براد  افكارى الملتهب كل مسمعها , بصرف النظر عن ان الكدب ملوش رجلين ويبخت من بكانى  ومضحكش البشر عليا , لكن هو لو كذب عليها  مش حتتحسب كذبة ؟ ولا عشان مفيش علاقة  رسمية بينهم جائز فى الحالة ديه ؟ طيب لما يقولها نه مكنش بيحبها فمعنى كده انه بكر ولد ولوود يعنى  ؟ ولا خايفة يكون مقطع السمكة وديلها وهيا  مش بتحب  الشباب دول  ؟؟ ولا انها خامة وعاوزة واحد خام عشان يستكشفوا الحياة مع  بعض  .

طب  هو انا لو حلفت على الدكتور  وحياة خالتك لتنجحنى لازم يجواب عليا  ,  ولا بر القسم مينفعش فى كل الحاجات ؟ وايه  معنى الاغنية سائلتنى  جوبت زعلت  ؟ ضربنى وبكى وراح واشتكى  ...احسن حاجة ادخل انام


سلام


هناك تعليقان (٢):

سمراء يقول...

دة كلام اغاني ، ملوش معني ، وفية منه كتير ، دة زرقهم هنبص لهم فية
ملوش علاقة بالكدب والصدق والنية ،
متكبرش الموضوع- لو عايز تفهمها هنقول على لسانها ولسانه
قال يا ابويا عالمني الهيافة - قال يا ابني تعالى في الهايفة واتصدر

احب قراءة موضوعاتك
سمراء

Unknown يقول...

هههههههههههههههههه

لأ يابني في بنات بتكون عارفه ان حبيبها كان بيحب قبلها

وبتكون سمعت انه كان بيحب حبيبته الأولي اوييييييييييي

ممكن تقول انها نوع من انواع عدم الثقه في النفس

هي بتكون خايفه انه لسه بيحب حبيبته الأولانيه

وبتسأل عشان بيكون نفسها انه يقولها انه مكنش بيحب الأولي وانها أول حب في حياته

عشان تتطمن انه مش ممكن يكون لسه بيحبها

ورغم فعلا ان أفضل جواب في الحالة دي هي إن الولد يقول انه مكنش بيحب الأولي حتي لو كان لسه بيحبها ومش عارف ينساها خصوصا لو كانت الجديده عقلها صغير أو مش واثقه في نفسها

لكن بيكون جواب أكتر الصبيان انهم كانو بيحبو الأولي

تقوم هي بقي الصراصير تلعب في مخها أكتر وتقول حتي مش قادر يقول انه مكنش بيحبها للدرجه دي لسه مخلص لها

ده اللي بيحصل في الواقع واللي أنا شفته بعيني

لكن الأغنيه هي كانت عايزه تكون حبه الأول والباقي تسالي مش أكتر