عاوز احكى عن حاجات كتيررررررررررة
تويترررر :
...............
انا بقيت مدمن تويتر حاطه فى كل حتة , هنا على البلوج وعلى الفيس بوك ومنزل ابلكيشن بتاعه على الديسك توب بحيث فى اى وقت
اقدر اكتب زى منا عاوز
غريب بجد حب الانسان فى انه يكلم عن نفسه ويقول هو بيعمل ايه وعارف مين وهوايته ايه وكل الكلام ده , وده سبب نجاح موقع زى الفيس بوك .
منتخب مصر :
..................
هو المنتخب مين بيصرف عليه ؟؟ من فلوس الشعب ولا تبرع من رجالة الاعمال المريشين ؟؟
كيس جوافة :
................
ليه كل واحد لما يبقى فى موقف تجاهل يقول ليه هو انا كيس جوافة ؟؟ بصراحة فكرت فيه كتير ,, ورحت اشوف بتوع الجوافة بيبيعوه فى ايه , لفيت لف وطلع ده مش موسم جوافة لما تطلع حقولكم .
التفاح الاخضر :
....................
حد يعرف ليه التفاح الاخضر رمز الصحة ؟ حتى محطوط على شعار حملة حماية , رغم ان الامريكانى طعمه احلى بجد ,, اظن الامر فيه ريحة مقاطعة :) صحيح هو اشمعنى التفاح الاخضر مش بيقولوا جنسية البلد للى زرعته زى الامريكانى
المشاركات
ليست هناك تعليقات:
إرسال تعليق