٢٠٠٩-٠٨-٠٣

طريق زحمة

الحياة دى عاملة زى طريق زحمة
فيه للى بيسلك زى البورش سريع وخفيف
واللى بيمشى رزين لادا بيضا بتوفر فى البنزين
وفيه مقطورة حديد
ماشية زايحة فاتحة طريق
وحتوصل , الكل حيوصل والكل حيموت
والجايزة قبل الوداع بصة وراك
ياتحس بالتعاسة ياتحس انك مبسوط
وفخور بنفسك ومجد عمرك كله اتلخص فى خبطات وخرابيش
معلمة على كابوت

هناك ٣ تعليقات:

سمراء يقول...

وساعات الخبطات بتبقي في السقف والشنطة والشكمان

سمراء

micheal يقول...

كلمات بليغة جدا

FemTo يقول...

سمراء

معاكى حق والله , بس المجمل انها خبطات يعنى بالسمكرة والدق بتروح وبنتأكد انها فادتنا بالخبرات

مايكل

ربنا يخليك يارب