٢٠٠٨-٠٩-٢٤

لا للتوريث


توريث الدين !! هل الدين شى يمكن توريثه ؟ لماذا يجب ان يكون الابن على نفس ديانة والده ؟
نعم ادرك انه يمكنه لاحقا تغيير دينه او القراءة عن الاديان الاخرى ؟ كم فى المئة يمكنه ذالك ؟
هل فكرت انتا ان تتأمل فى الاديان او تنظر لدينك بنظرة اخرى غير نظرة الامر المسلم به ؟
الحقيقة ان الدين يتم تلقينه منذ ولادة الانسان ويمارس تعاليمه وهو لايدرى ماذا يفعل .. مجرد انه يقلد ابواه .. ومع الوقت يتحول الامر لشى واقع مثله كمثل لون عينيه وصلعة رأسه .

الدين أسمى شى وجد على الارض , دليل المعاملة بين الانسان وربه .. لا يجب ان يكون قضاء وقدر , لماذا يعطونا حق اختيار نوعية الدراسة علمية او ادبية وذالك بعد ان ندرس الشقين فى الصف الاول الثانوى ولا يعطونا الفرصة لدراسة الاديان واختيار الدين الاقرب لنا ولاقتناعك واحساسك .لماذا لايكون هناك مقررارات تتناول كل الاديان - السماوية على الاقل - يتم اعدادها خصيصا من رجال الدين لكل منهم بيه نبذة عن احكامه ومعتقداته وتدرس بكل موضوعية وحيادية للفرد حتى يختار ما يقتنع به ويكون مخلص له .

لهذا تأثير كبير فى ان حياتنا تكون افضل وتكون الاديان شى له قيمة بالفعل فى سلوك الفرد , سيختفى المنتمين - اسميا او شكليا - للديانات ويكونوا اسوء مثال يعبر عنها , فعندما اختار معتقدى بنفسى سأكون اسعد واكثر راحة نفسيا عندما اشعر انى على الطريق الصحيح المقتنع به ومؤمن له حتى الموت .

هناك ٤ تعليقات:

esraa يقول...

يعني توريث الدين بس هو اللي وحش

طب وتوريث الدوله كلها علي بعضها؟؟؟

معرفش, بس أنا شايفه ان اللي اتولد علي الاسلام ربنا بيحبه لأنه وفر عليه طرق البحث وانه كان ممكن يتوه ومايعرفش يوصل

غير معرف يقول...

أحييك على طريقة عرضك للموضوع واتفق معاك على وجهة النظر
لسبب ان الدين فى الاصل هو منهج حياة يقوم على التفكير والتأمل واعمال العقل فى المظاهر الموجوده حولنا
يعنى التفكير هو الأساس
لكن المشكله دلوقتى
لما الانسان يدور فى كل حاجه او تفرض عليه مناهج دراسيه فيها كذا دين
ياترى المعلومه اللى هايوصلوهالنا شكلها ايه
يبقى ما ينفعش تبقى فيه حريه دينيه فى المدارس عشان اللى هايقدموا المناهج دى هاتبقى ليهم توجهاتهم
طيب فرضا الانسان حاول انه يبحث بنفسه.. ايه الكتب اللى بتتيحها الدوله للاطلاع
ماده برضه الدوله متحكمه فيه
الدين مسيس هنا يا عزيزي
طبعا هاتلاقى غالبيه الناس مالهاش فى الطور ولا الطحين وعايشه حياتها كده هبلولى وخلاص
كسل مش اكتر وعشان الدنيا لاهياهم
( آل يعنى دلوقتى فيه كتير مهتمين بالشعائر الدينيه اصلا)
ربنا يستر على الاجيال اللى جايه

FemTo يقول...

العزيزة اسراء :

التوريث عامة مدام فى حاجة ليها تأثير مباشر على معتقدات الانسان او طريقة حياته والطريق اللى لازم يمشى عليه يبقى وحش . وطبعا وتوريث الدولة - لو حصل - حاجة وحشة اكيد , مش معنى انه فيه حاجة غلط يبقى نقبل الغلط كله بمبداء هو جت عليه يعنى .

تحياتى

FemTo يقول...

الغالية وينكى :

اكيد حيكون فيه حل سعتها , ممكن يبقى المناهج ديه برعاية اليونسكو او اى مؤسسة عالمية لضمان الحيادية الكاملة
ولازم يتم تجريم تسيس الدين بعدم السماح باستخدامه كواجهة لحزب سياسى .

تحياتى