عاوز هيدن

حاجة غريبة جدا , الواحد مكنش فاكر ان المدونة  دى بتتشاف  ,  

انا عرفت من مصادر موثقة انها متراقبة  وناس بتستغلها فى تتبع  القائد المبجل  ,  احب اقولكم انسسسسسسوا


:)  بس بجد لقيت ان الواحد ممكن يستنبط  حاجات  كتير  من التدوينات للى بتكتب  هنا وممكن  تعرف كتير  عن البنى  ادم  للى بيكتب


واحد يقولى ,  طب  منتا  قلقان  متكتبش  , :)  اطلع بره ياد .. ههههههههه ,  انا  فى البداية  كنت ناوى مخليش  حد  يعرف  من صحابى  او الناس للى  يعرفونى  على الحقيقة   انى  بكتب  هنا  او  عندى  بلوج   ...   كنت  باخد  حريتى   

فكرت  اعمل مدونة تانية باسم جديد وابدا  من الاول  تانى  ,  بالفعل  انا  عامل  مدونة  تانية

 اسمها كان دنيا فونيا   ومحدش   - تقريبا  -  يعرف  انه  انا للى هناك   donya-fonia.blogspot.com

بس مش عارف  زهقت  من  كونى  عايش بأسمين وفى  نفس الوقت  انى  ابقى  عارف  ان  ناس  حواليا حيبقوا  متابعين  ببقى  مش مستريح  حقيقة   ....  ايوه  مش بكتب حاجة تكسف بس عارف نظرية ان تقفل  باب التواليت عليك  رغم  انك  عارف ان مفيش حد غيرك

يلا  خير    ...



الامتحانات  على الابواب  , ابواب  ايه  ديه  قاعدة فى الصالون ...دعوتاكم