وجننانى ده شى مش سهل تقدر تجنن زيى؟

ونا وييا بعيش زى المليونيرات , بحلم ونا معييش ملعنش الازمات
وجننانى ده عين العقل العقل ده داء بيعيى , وجننانى ده شى مش سهل تقدر تجنن زيى؟
انا احب اسهر للصبح وعمرى مروح بدرى ,مخلوق رافض للنصح
والعمر بقيسه بسهرى

وبصاحب كل الخلق البيه صحبى والفقرى
واتعشى فى باب الخلق وافطر على البحر فى بحرى
اجى اتغدى ملقييش ملقيش
ملعنش الازمات

تحميل الاغنية

ربنا يوفقك

حتمناله الخير

حتمناله الخير ايه يعنى يفوتنى وينسانى
ما هو ياما اتحمل علشانى ماهو ياما كان قلبه عليا

حتمناله الخيييير ما هو قبل ما يجرحنى داوانى
كان عمرى وكان هو زمانى كان قلبى وروحى وعنيا

حفتكرله حاجات كتير كانت ما بينا
حفتكر ايام هوانا والخطاوى اللى فى طريقنا
حفتكرله حاجات كتير كانت ما بينا
حفتكر لحظة لقانا وانسى لحظه ما افترقنا

لما كنا بنقسم الفرحه فى عيونا..حفتكرله حاجات كتير..حتمناله الخير

حتمناله الخير من قلبى...علشان يستاهل
ده انا حتمنى تلف الدنيا تاااانى تاااانى...تانى ونتقابل

حفتكرله حاجات كتير كانت ما بينا
حفتكر ايام هوانا والخطاوى اللى فى طريقنا
ووافتكرله حاجات كتير كانت ما بينا
حفتكر لحظة لقانا وانسى لحظه ما افترقنا

لما كنا بنقسم الفرحه فى عيونا..حفتكرله حاجات كتير..واتمناله الخير

وايه يعنى يفوتنى وينسانى
ما هو ياما اتحمل علشانى ماهو ياما كان قلبه عليا

حتمناله الخيييير ما هو قبل ما يجرحنى داوانى
كان عمرى وكان هو زمانى كان قلبى وروحى وعنيا

حتمناله الخير

انغام - حتمناله الخير

اليوم الاغمق

فعلت ذالك بنفسى
لا بسكينة الاحلام
صدقت كذبتى الصغيرة
حتى كبرت وخنقتنى بخيوط من الاوهام
مالى احزن على جرح
غرزته بنفسى فى قلب يعشق الالم

النهاردة .. جبت كل الكراريس
دورت فى اوراقى الصفرة
متأكد ان شوفت كل ده ديه مش المرة الاولى
مش لاقى العنوان ابو احمر
ولا مكان القطعة
معقول ده جديد عليا
ولا سكرت السكرة


خلاص مليت .. مش علطول بقه
هو انا اتجمعت ليه ؟ عشان اجرب الشقا؟؟؟


احلى حاجة فى الدنيا
انك تقوم مبسوط تنام منكود
زى منام جدى وصحى على التابوت

ربنا يستر عليكى يانتيجة
اصل الشتا بيجيب الزروطة معاه

لو كان الواحد بيعرف بعد شوية حيحصل ايه
مكنتش عملت بلوج
لا تلاتة :)

الحمد لله فوقت ورجعت زى زمان
كام سطر رجعولى ضحكتى
يارب خليلى المسطرة وعلبة الالوان

كنكة

بعشق زرقة بحر دابت فيها صورتك
نسمة هوا حركت خصلة من شعرك
زى ممنير قال بعشق البحر ولما النسيم
كنتى تعرفيه قبل كده ولا ايه ؟


لمستنى كلمة قلتها لنفسى وانا لوحدى
استغربت وفكرت بجد
هو انا اتنين فى واحد
حد بيحب والتانى بيبعد


متسلفش حد فلوس الا لو تعرف تلت حاجات
بيته وموبيل باباه ورقم تيلفون اهل خطيبته

بحب اوى العصافير ..بحس ان كلمتها واحدة مبتتغيرش
بتصحى الصبح فى الروقان .. وتنام من العشا فى الطراوة
بس لما كانت بتتجمهر عند قفص دقدق وكنت القيه بيصوت ومضايق
زعلت منه عشان عاوز الاكل كله لنفسه اللى جوه والفتافيت اللى بره القفص
وبعديها بكام يوم عضنى الندل وهرب من الباب .. بس طلع مبيعرفش يطير
فعرفت ان العيب مش فى العصافير ده دقدق هو للى مغفل


احسن حاجاة فى المدونة ديه ان محدش بيشوفها
صباح النور يعنى
مش نور الفجر ..لا نورى انا

2day

الحياة زى المسمار متمشيش غير بالدق

عندما يصبح البكاء راحة
تجد الكل يحاصرونك بنظرات
وعندما تريد ان تستأنس بهم وقت فرحك
ستجد نفسك بمفردك
فعرفت سر قطرات دمعى
رغم انى اضحك

باتا , اديدس او حتى نوكيا
تظل الجزم جزم
مهما غيرت لها الوان الرباط

النهاردة

اوحش حاجة فى التيلفون ان مفيش حاجة تعرفك الخبر للى حتسمعه حيفرحك ولا حيغير مود اليوم

عن اليوم

لو كل واحد ساب التانى فى حاله
كان زمان الدبان اعلن الاستقلال من زمان


لعبت النهاردة انا واحمد صحبى شطرنج وكبرت فى دماغنا نلعب من غير ملوك
للى حيخسر هو للى جيشه حيخلص الاول..بجد اصعب من انك تحارب الملك لوحده
بس سعتها كل قطعة عندك اكنها ملك لوحدها عاوز تحميها وتحافظ عليها من انها تتاكل منك
كانت جامدة جداا وبجد لو اهتمينا بكل واحد منينا كده اكيد الدنيا حتبقى احسن ..رغم انى كسبت برضه :)


ساعات بسأل نفسى الناس للى عندها مليارات ديه حتلحق تصرفهم امتى؟
ولا مجرد تجميعهم هو الغاية يعنى واللى بيمزج الواحد
انا لو عندى مليار واحد حكتب كل للى نفسى فيه فى ورقة واعملهم حاجة حاجة
ومش حشتغل تانى غير لما يخلصوا

افكارى النهاردة

بحب اووى التعلب المكار عن الاسد بحس ان الاسد متهور شوية ..فيفضل يتعارك لحد ميكسب او يموت
بشوف ان الاسد كده معندوش اى تكتيك..ليه لو حس انه حيتبهدل يطلع يجرى ويخطط وينتقم بعدين
ليه ميستناش لما البتاع ينام ويطب عليه بليل ..فبحب التعالب جدا وبحس انها ملوك الغابة فى نظرى يعنى


خطة النت الجديدة اثبتت قد ايه ان الكبرات بتوع البلد فاكرين الشعب مغفلين وبيحبوا يستهبلونا
فمعظمنا واخد خط 256 مع نفسه وندفع ال95 جنيه ومستحملين وهو احسن من بهدلة السيبرات
واخدين بالكم 95 جنية فى الشهر والدونلد مفتوح باجمالى ساعات استخدام 30 *24 = 720 ساعة فتبقى الساعة واقفة ب 13. جنيه اما دلوقتى يما تختار نظام من اتنين يا 60 ساعة شهريا مفتوح ب45 جنيه يعنى الساعة واقفة ب
75.جنيه يعنى سعر الساعة زاد ست مراات ..أو انك تبقى مفتوح عدد الساعات بس ا 2 جيجا حجم تبادل المعلومات فى الشهريعنى عشان انزل نسخة لينكس ححتاج بتاع اربع شهور او شهرين من غير مفتح اى صفحة حرررررررررررررررررررررررررررام حتى الى بيليهنا عن للى بيحصل بتغلوه.جرررر ه

عن النهاردة

رغم وجودى على مكان اعلى
اشعر بجفاف عكس الاخرين
حذائى نظيف والباقى حافيين
لكنى لااشعر بفرحى فى ملابسى
لكن فرحهم زين اجسادهم وهم البلبوصين

مللت من الانتظار خارجا
و لا اعرف لماذا لا احب الدخول
رغم انها ليست ملك لانسان
لكنى اخجل من صاحب المكان
فما فعلت ولازلت لا يوجد ملجأ سواه
لكنى اظل خارجا
اخص عليا

عن اليوم

نورت السما بليل
قلت مش اوانك يابدر
قلى راجعة بالسلامة
فجيت اصحى الورد

كوباية شاى
على صينية فضى
ضربة دومينو
ضحكة من القلب
ما احلى القهوة

دايرة يا دنيا
على طاولة زهر
بين ااتنين
جنبى اليمين
والشمال

محتاج اروش شوية
قلت اعمل سبايكى
قلى البربرمينفعش معاك
حتى شعرى عنده رأى

هدوم فى محلات
الوانات فاقعة
او مش مريحة ليا
يتعملو مقاسى
يتلونولى عينيا

حبة تاجات :)

وحشانى المدونة اوووى اووى ..ياه اكنى كنت مسافر , النهاردة تفاريح شوية ونجاوب على التاجات عشان نغير المود ده وبالمرة احكى شوية ..وعلى راى ابطال الديجتل بدانااااااا

تاج من سارة

خمس حاجات محدش يعرفها عنك

1- مش بحب اعوم خالص ومنزلتش البحر من كام سنة رغم انى بحب اقعد عليه كل يوم

2- اى مشهد فى فيلم مؤثر شوية علطول بدمع وممكن اعيط مش عارف ليه :(

3- بخاف اووى من الافلام الرعب ومش بتفرج عليهم خالص عشان بعد الفيلم لما بيخلص بيروحوا معايا البيت

4- مش بفهم فى الكورة خالص ومش بشجع اى نادى ولا يحزنون وبزعل لما بحس انى مش فاهم العيال بتكلم على ايه

5- انى بتكلم قبل مبفكر ..والكلام للى بكتبه هنا بفهمه بعد ميتكتب مش العكس ..مش بفكر فى موضوع وبتاع لا بسيب ايدى للكيبورد وتعيش

تاجين من اسراء


82%How Addicted to Blogging Are You?

Mingle² - Online Dating

اكتر 6 اشخاص بحبهم

1- بابا
2- ماما
3- جدتى
4- العيلة
5- اصحابى
6-دكتور صفوت بدرة

هل انا سعيد

ساعات ساعات

لو اجتمعت مع الريس حتكلمه فى ايه

اكيد عن سر شبابه :)

لو معايا مليون ونصف حعمل بيهم ايه

ححطهم على المكتب وادخل انام وللى ححلم بيه حصحى اعمله ..بس مش حيكفوا :)

بتحب مصر

جدا جدا جدا جدا جدا للصبح

انا مسلم

ايوه

ليه انا مسلم

الاول اتولدت كده وبعدين لقيت اننا المطلوب منا نعمل حاجات حلوة وحنبقى مباسيط والجزاء فى الاخر حلو فحمدت ربنا عشان كده

اكتر شخصية متقدرش تشتغنى عنها

مفيش كل حد مسيرك يوم حيستغنى عنك او الدنيا حتفرقكم من بعض ..بس يتهيلى حعرف اعيش :)

اكتر موقف محرج ليك

لما حد يطلب شغل ويقول حيتكلف كام او لما اجى ادفع فلوس لحد من التيم ورك بتاعى

الامنية للى عاوزها تتحقق

انى هوبة الاقى نفسى خلصت الكلية والجيش وكونت نفسى وعندى روتانا سينما فى البيت :)

امرره لمين :

كل اخواتى وصحابى للى بينورونى ومجوبش عليهم .. سارة ومها وكله كله.يلا عاوزين اجابات جامدة :))

زرعى كبر _من كتابتى القديمة

زرعى كبر وخلاص جه الميعاد
زرعى كبر وخلاص عدى اللى فات
الصغير مبقاش صغيروالكبير تعب ومات
دورة الحياة وايامنا بتجرى بسرعة
ايام بتروح ومين يقدر يرجع الل فات

ايام مكنت شايفها حلوة
عيل بيضحك وبيغنى الغنوة
ماما زمانها جاية و الشمس البرتقالى
سعتها كانت فرحان ودلوقتى ايه جرالى

كبرت شوية وصوتى مش هوه صوتى
وشايف انى لازم ابقى واحد مش طفل شنكوتى
واحد كبير من جواه بس قدام الناس لسه صغير
بيقولوهم انا راجل ولازم تسمعوا كلامى ويقولو اسكت ياعيل

كبرت شوية ولاول مرة عرفت انا حطلع ايه
حبقى البشمهندس احمد ويارتنى احمد بيه
على الاقل مش حلبس عفريتة او حتزيت بالبنزين
وممكن ربنا يكرمنى واهرب وابقى من الهاربين

لكن رغبة ابويا وامى وهما عملوا عشانى كتير
ومهما عملت ليهم حاجات بالنسبة للى عملوه مش كتير
يارتنى كنت طلعت وزير زى احمد باشا نظيف
علشان ارخص تمن العيش واغلى تمن التكييف

بس برضه مسبتش اللى بحبه
وحفضل اعمله علطول
فبعد عمر طويل حتفضل حاجاتك اللى عملتها واللى معملتهاش
وسعتها مش حتفرق كنت بتحبها ولا مبتحبهاش
هيا بس اللى حتبقى وانتا اللى حتروح بلاش
وحتفضل عايش بقلبك سواء ناسوك او كنت متتنساش

راحت ايام كتير ومش باقى منها غير صور
وياترى حشوف صور النهاردة معاهم
او حيتفرج غيرى عليهم ويقول اهوه اللى فى الصور