٢٠٠٧-٠٧-٠٢

زرعى كبر _من كتابتى القديمة


زرعى كبر وخلاص جه الميعاد
زرعى كبر وخلاص عدى اللى فات
الصغير مبقاش صغيروالكبير تعب ومات
دورة الحياة وايامنا بتجرى بسرعة
ايام بتروح ومين يقدر يرجع الل فات

ايام مكنت شايفها حلوة
عيل بيضحك وبيغنى الغنوة
ماما زمانها جاية و الشمس البرتقالى
سعتها كانت فرحان ودلوقتى ايه جرالى

كبرت شوية وصوتى مش هوه صوتى
وشايف انى لازم ابقى واحد مش طفل شنكوتى
واحد كبير من جواه بس قدام الناس لسه صغير
بيقولوهم انا راجل ولازم تسمعوا كلامى ويقولو اسكت ياعيل

كبرت شوية ولاول مرة عرفت انا حطلع ايه
حبقى البشمهندس احمد ويارتنى احمد بيه
على الاقل مش حلبس عفريتة او حتزيت بالبنزين
وممكن ربنا يكرمنى واهرب وابقى من الهاربين

لكن رغبة ابويا وامى وهما عملوا عشانى كتير
ومهما عملت ليهم حاجات بالنسبة للى عملوه مش كتير
يارتنى كنت طلعت وزير زى احمد باشا نظيف
علشان ارخص تمن العيش واغلى تمن التكييف

بس برضه مسبتش اللى بحبه
وحفضل اعمله علطول
فبعد عمر طويل حتفضل حاجاتك اللى عملتها واللى معملتهاش
وسعتها مش حتفرق كنت بتحبها ولا مبتحبهاش
هيا بس اللى حتبقى وانتا اللى حتروح بلاش
وحتفضل عايش بقلبك سواء ناسوك او كنت متتنساش

راحت ايام كتير ومش باقى منها غير صور
وياترى حشوف صور النهاردة معاهم
او حيتفرج غيرى عليهم ويقول اهوه اللى فى الصور

هناك ٦ تعليقات:

maha يقول...

سلام عليك يا femto
هو احباط اننا كبرنا ...بس دي سنه الحياه
هتعدي ايام و هنتعلم منها
يمكن قاسية شوية ..يمكن تبعدنا عن حاجات بنحبها
يمكن هتخلينا كبار و احنا لسه جوانا صغيراوي
لسه و الله اطفال
بس سنه الحياه
لازم نكون في يوم كبار
...........
مش عارفة ليه حسيت اني بكتب بنفس طريقتك في السرد
بصراحة بتعجبني اوي
فنان فعلا في كلامك و احساسك
بس بلاش احباط اوي لانه واقع- مش هنقول شر- ..لكن لابد منه
:)
ااقولك
تعال عندي المدونة المفاجئة خلاص موجودة انا عارفة انك مستنيها من زمان ..ان شاء الله تعجبك

تعالي و اكتشفها بقي
سلام
مها

esraa يقول...

والله ياحمد عندك حق

الأيام هتعدي واحنا هنروح

ومش هيتبقي غير أعمالنا

سواء عملناها واحنا بنحبها أو لأ

وسواء كانت برضانا, أو غصب عناا

micheal يقول...

كلام أكثر من رائع بس هي دي الحياه
تحياتي

esraa يقول...

أحمد انا مررتلك تاجين (:

غير معرف يقول...

عجبتنى قوى

على فكره انا
عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

FemTo يقول...

وعليكم السلام يامها..علطلول كده بترفعى من معنوياتى..صحيح اهيه مرحلة ولازم نمر بيها ..حاضر حروح علطول يترى هيا ايه المفاجاة :)

اهلا بالاميرة اسراء .. بس سعادة الواحد وهو بيعمل حاجة بيحبها بتبقى موز موز يعنى على راي عمرو اديب :)


منور يامايكل ..وشكر على الكلام الحلو ده :)


تمام اووى جهم فى وقتهم حجاوب عنهم دلوقتى ان شاء الله

الله يخليكى ياوينكى ..والف الف مبروك على النجاح والتخرج وعقبال لما نباركلك على العريس عشان نجيبلك الجلاكسى :)