مجنون وباسطنى جنانى
فرحان بللى انا فيه
ولا يوم شاغل باللى
اكسب ولا اخسر ايه

مش مطنش ولا منفض لكن
مش بشيل الامور اكتر من حدها
ولا بزعل من فشل ولا موت
واسيب امل واقفة لوحدها

بنى ادم ده انا مش نوع كده وخلاص
بحس زيك انتا وبخاف زى الناس
لكنى بشق الطريق مبخفش على الازاز

مجنون فى عنيكم انتوا وفى نظر الكون مجانين
بوظتوا الدنيا بمشاكلكم
وحتدفنوا مقشفرين

ولا اتبسطتوا بوردة ولا ضحكتوا على ندراتى
مبسوط بنفسى واحلى مفيا حياتى

مقولتش عشت تمام
ولا يوم محستش بامان
لكنى بتناسى وبحلق مع الزمان

اتكعبلت الاف المرات
اتغشيت من غير مقدمات
كتبت احزانى صفحات فى كتب ومجلدات

فكرت اعملها فيلم حياتى او تمثلية
بس لقيت المقدمة والنهاية هيا هيا
لخصتها فى سطرين وغنتهم اغنية
معرفش كنت صح ولا كانت فكرة غبية