٢٠٠٧-٠٣-٢٢

اخير تاااج

اتوجهتلى دعوة للشهادة من مها-غربة وطن- فى قضية احمد عيسى - لحظات -وكنت فرحان اووى اصلها اول مرة اروح فيها محاكمة فعملت السندوتشات والعصائر وحطتهم فى الهاند باج ورحت المحكمة :)

اسم مدونتك ؟
والله يا سعادة القاضى فى اسمين العنوان وهو كريزى فيمتو
اما العنوان برضه "فى زمن المعجزات اصبح للمجانين مدونات " :)

اختارته ليه وقصدك بيه ايه ؟
قصدى ان من حق كل الناس ان يعبروا عن رأيهم حتى لو كانت افكرهم
فى رأى البعض تعبر عن جنونهم

فكرت تقفل المدونة؟وليه؟
ساعات..لما كنت بحس انى بكتب لنفسى وزهقت
لكن فى الفترة اللى بطلت فيها كتابة حسيت بالاكتئاب ولقيت ان الكتابة بتريحنى
فقلت اكتب عشان اريح نفسى بس بدات الناس تخش المدونة ايه والقاشية بقت معدن :)

صورتك فى المدونة رمزيتها ايه؟
مكنتش عامل صورة بس لما لقيت السؤال رحت حاطيت صورة بتعبر عن انى بحب ادلع نفسى
واعمل كلة حاجة بريموت ::( كسل بعيد عنكم

طبيعة كتابتك فى المدونة بشكل عام؟
حسب الحالة العامة ساعات رايى فى ناس مهمة
ساعات كلام بكتبه وانا منفعل واحس انه مش صح بعدين
ساعات بتكلم عن حاجة بتحصل حواليا
بتكلم عن المصريين اللى بحبهم اووى
كلام معرفش بكتبه ليه
معرفش الاطار العام بس ممكن تقولى خلطبيطة :)


لماذا تدون فى الاصل ؟
عشان افضفض..عشان مكلمشى نفسى وعشان ميقلوش عليا مجنون :)

احلى كلمة قيلت لك فى وصف مدونتك؟
اى كلمة فى حدود الادب والنقد البناء اتكتبت فى المدونة بعتبرها اعز حاجة اتكتبتلى

التعليقات بالنسبة ليك بتعنى ايه؟
الاول كنت بتنظرها بفارغ الصبر ومكنتش بتيجى ولما قلت خلاص المهم اكتب بدات تيجى
بس بتحسسنى بنبض الناس وكتير وقفوا جنبى وكان بيهونوا عليا وكتير كانوا بينصحونى
بحسهم قريبين منى اووى ولو وحشونى ومجوش بروح عندهم اسال عليهم ممكن تقولى التعليقات زى رنات الموبيلات :)

احلى بوست كتبته؟
بحبهم كلهم والله بس اكتر واحد بحبه جدا جدا هو بلو بلو

احلى مدونة دخلتها؟
انا بحب كل اللى فى اليستة اللى على اليمين بحسهم كانهم بيوت قريبى :)

احلى بوست قريته؟
لو سئلتنى السؤال ده من يومين كنت تعبتنى اووى :) بس انا عملت ليست للبوستات اللى عجبانى بعد مشفت الفكرة ديه
عند مها - غربة وطن :) كل حياتنا نقل حتى فى البلوج

حد قل ادبه عليك قبل كده؟
لا محصلش..هو فيه حد :)
ولو حصل ربنا يسامحه انا مش برد على الناس ديه :P

أسوأ مدونة..الاجابة اجبارية؟
انا بحب حرية الرأى بس فى حدود الادب لكن فيه مدونات واصحابها مشاهير وبتوع تلفزيون وبتاع بيكتبوا كلام بتاع عرباجية
وبيشتموا بالفاظ وحشة جدا وبتوصل للدين..والادينين . انا مش بعتبرهم أسوأ عشان كده بس عشان بيتكلموا عن المخالفين ليهم ومعتقدات الاخرين بقلة الادب والمثاليين مظنش فيه تانى :)

أسوأ بوست قريته؟
كل البوستات اللى فى الناس اللى طلعت فى الاجابة السابقة

تستدعى مين للشهادة؟
تقريبا كل اللى اعرفهم استدعوهم قبليا
بس انا اطلب SasOoo , MaHa
للشهادة

شكراا اووى على الاستدعاء ده ..اى خدمة استجز بقه سلااااااام





هناك ٥ تعليقات:

غير معرف يقول...

سلام عليك يا femto
اجاباتك جميلة جدا و فرحت جدا ان ليا موضوعين من ضمن مواضيعك المفضلة
حلو جدا البوست و الجميل اكتر شنطة الاكل اللي اخدتها
فعلا الجلسة طولت لغاية ما الواحد حس بالجوع
:)
حلوة جدا
سلام
مها

Ahmed EIssa يقول...

اجاباتك لذيذة قوي ياعمنا وبلوجك كله هايل بجد..لو خرجت سليم ان شاء الله حبقي اتابعك علي طول
يلا مش حطول عليك المرة دي..سلام

Unknown يقول...

اجاباتك حلوه
بس ايه ده هو في حد بيفرح بالتاج؟
ان شاء الله كل تاج هتدبس فيه هبقي أدبسك فيه.

غير معرف يقول...

ybo 7med ya gamed, 7elwa fekret el mawdoo3 de .. 5yal 7elw w klam a7la ..

Keep on this !

FemTo يقول...

ربنا يكرمكوا ياااارب
والله بترفعوا معنوياتى وبفرح بزيارتكم اوووى..اصلها اول مرة ادبس فى تاج يا اسراء (:ويريت حلاوة اول سلام تفضل فى ايدينا :)