٢٠٠٦-١١-٢٢

صوت فى التيلفون


صوت ناعم بيقول الوو
وصوت كله حنية وذوق
صوت خلانى اطير لفووق
او احس انى بحلم واتمنى ما فوق
صوت فكرنى بأمل ضايع من زمان حلم مش ممكن يتحقق لو عمرى طال سنين وايام
قلت مش ممكن اكون صاحى اكيد ملل لانتظار تعبنى ورحت فى النوم
واستنيت يقول ولو مقلش كنت قولت انا كل اللى حاسس بيه
بداء يتكلم تانى قلبى دق وحسيت بمعنى الثوانى
واول كلمة نطقها "ممكن اكلم دكتور سامى خليل" ياريتك طلعت اخرس
الرقم غلط ياحبيبى جرب واتصل بالدليل
ياحظى القشطه حبيبتى طلعت عيانة ..ربنا يشفيها

هناك ٤ تعليقات:

shreef يقول...

ما شاء الله و الله انت راجل تمام و كلامك جميل جدا

FemTo يقول...

ربنا يخليك يا شريف , وعاوزين نشوفك على طول

ali weaka يقول...

بس خلى بالك اصوت مش كل حاجه, لان فى موقف حصل لواحد صاحبى
كان بيتكلم مع واحده فى التليفون لمده
سنه ,وكان بيقولى على صوتها شعر ولما
طلب يقبلها اول حاجه قلها "مش عايز اشوف وشك تانى ولا اسمع صوتك"ف خلى بالك

بس انت كلامك جميل وموهوب فعلا,ربنا يوفئك

FemTo يقول...

ربنا يكرمك ياعلى