‏إظهار الرسائل ذات التسميات لها. إظهار كافة الرسائل
‏إظهار الرسائل ذات التسميات لها. إظهار كافة الرسائل

٢٠٠٨-١١-٠٧

زى

زى البلف بالنسبة للعجلة المهوية
زى الاتوبيس للناس على المحطة مستنية
زى النهاردة وبكرة للعصور الميلادية
باختصار قصة لحظة وامتدت لمعنى الابدية


٢٠٠٨-١١-٠٢

انا بعشقك


اكتر من نجوم السما للى بيتشافوا وللى مبيتشافوش

اكتر من حبات الرمل فى كوكب رملى

اكتر من ذرات الهيدروجين فى كوكب مائى

اكتر من الهيليوم للى بيتكون فى الشمس

اكتر من تسابيح شيخ معتكف طول عمره

اكتر من اى اكتر يمكن اى حد يستكتره

بحبك

٢٠٠٨-٠٩-٠٣

متيم


متيم وعاشق ولهان
مين كنت قبلك
وعشت ازاى


لقيتك فجأة ولا انتى للى نجدتينى
واتسندت على ايدك ووقفت
وكملت طريقى طاير
وانتى بتسندينى


معاكى حبيبتى بعيش
ايام مبتتحلمش
بدور عليكى فى غيرك
وبرضه ملقتش
مهما اقول واتغزل
الكلام بميوصفش


بعشق روحك ودبت فيكى
و معاكى حبدء مشوارى بخطوتين
انا ونتى  روح واحدة بس  بقلبين

٢٠٠٨-٠٨-٣٠

دق


مسحتهم بأستكية
من على ورقة اللى فات
وبنفخة طارت بقاياهم
جثث اتحللت
مش باقى غير الرفات

وبورقة منديل كلينكس
روقت مكانهم
وفى دفتر الاسماء 
علمت عليهم كلهم
اكبر اكس

جبت قلم دهب
مليان حبر ماءورد
وكتبت اسمك

وعرفت فين قلبى
لما دق
لاول مرة
حسيت بالدق