تاج برمجى

جالى تاج من العزيز عليا رغم انه ميعرفنيش اووى احمد -مبرمج حر..وانا بعتذر انى اتأخرت فى الرد عليه

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

الهواية للى بعد كده قلبت حياة هيا البرمجة
وانا شغال فى البرنامج مش بحس الا بالشاشة والنسكافيه فى ايدى
بحس فيها بنفسى اووى وبتفرحنى وانا .زعلان.وكلام يطول ممكن اتكلم عنها فى بوست لوحدها...امال انا بحب ادخل عندك ليه..يا مبرمج يا حر :)

تاج تو باى تو

هييييييييييييييييييييييه تااج تانى..بس جه فى وقته بقالى مدة حاسس بسكون وهدوء غريب عليا
ومش حاسس باى حاجة عشان اكتبها فى البلوج..شكرا للاميرة اسراء على هذه التدبيسة الجميلة

هل كنت طالب متفوق فى الدراسة؟
مش حكاية شاطر مكنتش بعرف اعمل ايه وانا فى البيت فبسلى نفسى واذاكر
بس بعد م اكتشفت الكومبيوتر لقيت هوايات مسلية اكتر :)

ايه هيا اكتر مادة بتحبها واكتر مادة بتكرها؟
انا بحب الكيمياء اووووى..بحس انها لذيذة كده..ههههههه افتكرت حاجة عجيبة شوية
لحد 2 اعدادى كنت بفتكر الحاجات اللى بناخدها فى المدرسة بخدها عشان ننجح
ومكنتش بفتكر انها حقيقية يعنى..بجد والله مش بهزر

اكتر مادة بكرها الاحصاء اللى فى الثانوية العامة واللى بسبها قضيت او سنتين فى الكلية فى شبين
بس الحمد لله حولت بمعجزة ورجعت اسكندرية تانى :))

كنت عاوز تطلع ايه وانتا صغير؟؟
طبيب جراح :) كنت كل ماشوف فيلم بتمنى اطلع زى البطل بتاعه مرة حرامى مرة طيار مرة قبضة الهلالى :)


هل تسعد عندما يمرر لك احد تاجات؟
اكيد بسعد وبسعد جدااا جدااااا..بتبسطت انه وهو قاعد وبيكتب على الكيبورد افتكرنى وراح جاب الينك بتاعى وحطه
اكنه بعتلى SMS :)

بتفرق معاك مين للى بعتهولك وبتاثر على فرحك قد ايه بالتاج؟
اطلاقاااا..بس ساعات لما بيجى من حد مش متوقع انه يبعتلك تاج بيبقى ليها سحر خاص .جدااا:)

بتستمتع لما بتجاوب على تاج؟
اكيد..بفتكر حاجات وبتبسط لو مفرحة وبتبسط لو وحشة عشان بقت ذكرى..بس عادة
البنى ادم بيبحب يتكلم عن نفسه ومش كتير اللى بيسمه فبيلاق التاج فرصة للفضفضة

هل التاج ليه اهمية حقيقية؟
اكييد..اصلك لما بتدون بتكتب حاجات مش بتوضح كل الابعاد لشخصيتك او حاجة الناس ممكن
تحب تعرفها عنك..لكن التاج بيزنقك تحت السبوت وبيقلك قرر عشان الناس تعرفك

فكرت تعمل تاج ليك؟
لا والله..بس افكر ليه لا :)

بتحب تقرا اجابات التاجات عند المدونين التانيين؟
تصدق لو قلتلك انا بحب اقرا اجابات التاجات والتدوينات اللى بيحكى فيها المدون عن موقف حصله
او حاجة حسها..بحس بنوع من العائلية :) او تشارك الخواطر وانا بحب النوع ده اوووووى

لما بترد على تاج بتراعى ايه؟
براعى الصراحة..وامسك نفسى شوية عشان بحب اهزر كتيرررر :)

بتحب تكر التاج لمين؟
لكل اللى بحبهم واللى بحب اشوف حيجاوب عليه ازاى وبكده احبهم كترر.. يابختهم :)))

بتلتزم حرفيا باسئلة التاج؟
اه طبعاااا:) هو فيه حد امتحن امتحان هو عمله

ما انواع التاجات اللى بتحبها؟
التاجات الايديل :) كله حلو بس بحب اللى بيخلينى اكتب كتيرر فيه واحكى عن ماضيا المشرق :))

بتممر التاج لمين؟

ساسو

غربة وطن

لحظات

اخير تاااج

اتوجهتلى دعوة للشهادة من مها-غربة وطن- فى قضية احمد عيسى - لحظات -وكنت فرحان اووى اصلها اول مرة اروح فيها محاكمة فعملت السندوتشات والعصائر وحطتهم فى الهاند باج ورحت المحكمة :)

اسم مدونتك ؟
والله يا سعادة القاضى فى اسمين العنوان وهو كريزى فيمتو
اما العنوان برضه "فى زمن المعجزات اصبح للمجانين مدونات " :)

اختارته ليه وقصدك بيه ايه ؟
قصدى ان من حق كل الناس ان يعبروا عن رأيهم حتى لو كانت افكرهم
فى رأى البعض تعبر عن جنونهم

فكرت تقفل المدونة؟وليه؟
ساعات..لما كنت بحس انى بكتب لنفسى وزهقت
لكن فى الفترة اللى بطلت فيها كتابة حسيت بالاكتئاب ولقيت ان الكتابة بتريحنى
فقلت اكتب عشان اريح نفسى بس بدات الناس تخش المدونة ايه والقاشية بقت معدن :)

صورتك فى المدونة رمزيتها ايه؟
مكنتش عامل صورة بس لما لقيت السؤال رحت حاطيت صورة بتعبر عن انى بحب ادلع نفسى
واعمل كلة حاجة بريموت ::( كسل بعيد عنكم

طبيعة كتابتك فى المدونة بشكل عام؟
حسب الحالة العامة ساعات رايى فى ناس مهمة
ساعات كلام بكتبه وانا منفعل واحس انه مش صح بعدين
ساعات بتكلم عن حاجة بتحصل حواليا
بتكلم عن المصريين اللى بحبهم اووى
كلام معرفش بكتبه ليه
معرفش الاطار العام بس ممكن تقولى خلطبيطة :)


لماذا تدون فى الاصل ؟
عشان افضفض..عشان مكلمشى نفسى وعشان ميقلوش عليا مجنون :)

احلى كلمة قيلت لك فى وصف مدونتك؟
اى كلمة فى حدود الادب والنقد البناء اتكتبت فى المدونة بعتبرها اعز حاجة اتكتبتلى

التعليقات بالنسبة ليك بتعنى ايه؟
الاول كنت بتنظرها بفارغ الصبر ومكنتش بتيجى ولما قلت خلاص المهم اكتب بدات تيجى
بس بتحسسنى بنبض الناس وكتير وقفوا جنبى وكان بيهونوا عليا وكتير كانوا بينصحونى
بحسهم قريبين منى اووى ولو وحشونى ومجوش بروح عندهم اسال عليهم ممكن تقولى التعليقات زى رنات الموبيلات :)

احلى بوست كتبته؟
بحبهم كلهم والله بس اكتر واحد بحبه جدا جدا هو بلو بلو

احلى مدونة دخلتها؟
انا بحب كل اللى فى اليستة اللى على اليمين بحسهم كانهم بيوت قريبى :)

احلى بوست قريته؟
لو سئلتنى السؤال ده من يومين كنت تعبتنى اووى :) بس انا عملت ليست للبوستات اللى عجبانى بعد مشفت الفكرة ديه
عند مها - غربة وطن :) كل حياتنا نقل حتى فى البلوج

حد قل ادبه عليك قبل كده؟
لا محصلش..هو فيه حد :)
ولو حصل ربنا يسامحه انا مش برد على الناس ديه :P

أسوأ مدونة..الاجابة اجبارية؟
انا بحب حرية الرأى بس فى حدود الادب لكن فيه مدونات واصحابها مشاهير وبتوع تلفزيون وبتاع بيكتبوا كلام بتاع عرباجية
وبيشتموا بالفاظ وحشة جدا وبتوصل للدين..والادينين . انا مش بعتبرهم أسوأ عشان كده بس عشان بيتكلموا عن المخالفين ليهم ومعتقدات الاخرين بقلة الادب والمثاليين مظنش فيه تانى :)

أسوأ بوست قريته؟
كل البوستات اللى فى الناس اللى طلعت فى الاجابة السابقة

تستدعى مين للشهادة؟
تقريبا كل اللى اعرفهم استدعوهم قبليا
بس انا اطلب SasOoo , MaHa
للشهادة

شكراا اووى على الاستدعاء ده ..اى خدمة استجز بقه سلااااااام