٢٠٠٩-٠٤-١٥

الكلب الملتحى

هل تقبل بان يكون فى مصر تنظيم مثل حزب الله يكون دولة داخل الدولة وتصبح مثل لبنان فى يوم من الايام ؟ وخليكوا واقعيين سيبكوا من انو كان بيدعم فلسطين لان باعترافه شخصيا الناس دى اتقبض عليها قبل الحرب . طب كانو بيعملوا ايه هنا ؟؟؟؟؟ محدش سأل نفسه السؤال ده ؟؟ يعنى باختصار ده تكوين خليه او تنظيم له اهداف محددة .

الاخوة اللى بتقول طب ماسرائيل عدوتنا الاولى ومعملناش فيها كده !! طب سؤال هل معنى ذلك ان كل واحد يعمل اللى هو عايزه فى البلد من غير عقاب والحجة جاهزة ماهى اسرائيل عدوتنا ومكلمنهاش والمثل اللى كل ماسك فيه ( اسد على وفى الحروب نعامه ) . والنتيجة فى الاخر ان مصر تكون مركز لجميع الحركات اللى فى العالم ( القاعدة جنوب سيناء و حزب الله شمال سيناء الخ ) وتبقى دول داخل الدولة الواحدة وفى الاخر هتيجى على دماغ المواطن المصري .

هل من حقنا نشوف مصلحتنا فين ولا لا ؟ فى راي نعم لان هو ده العالم والنظام الدولى حاليا والكل عارف كده الا احنا . ايراان اللى نفسها بتدعم حزب الله حرمت الجهاد فى فلسطين ليه ؟ عشان مش من مصلحتها تحط نفسها فى المواجهة حاجة كمان افغانستان على حدود ايران ليه مضربش صاروخ واحد من ايران على قوات التحالف هناك ؟؟؟ مش حاجة غريبة برده ؟ نيجى لسوريا عندها الجولان بحالها محتله ومسنعناش ابدا انهم فتحوا باب الجهاد هناك وحتى ساعة الحرب مضربش رصاصة واحدة على الجولان مع انها كانت فرصة ليه برده ؟؟؟ حزب الله ونصر الله نفسه اول ما صاروخ اضرب من جنوب لبنان جري وقال مش انا طب ليه برده؟؟؟ اجابات كل ده عشان مصلحتهم . اشمعنى بقى اما تيجى مصر تشوف مصلحتهافين الدنيا تقوم ويتقال خاينين وخزى وعار على مصر مع ان الكل شغال بنفس النظام ؟؟

- كذلك لا توجد دولة في العالم اجمع تقبل ان يعمل علي اراضيها تنظيم موالي لاي جهه اخري فهذا يعد خطرا لا يمكن السكوت علية , والي من يتعاطف بدعوي ان غرضهم كان الدعم الجوستي للفلسطنين نقول له وما ادراك الا يتحول الامر بعد هذا الي غير ذلك والي اعمال ارهابية داخل القطر المصري اذا حدثت اختلاف في التوجهات بيننا وبينهم في يوم ما ومش بعيد عننا المخيمات الفلسطينية فى كل مكان بيعملو ايه رغم انهم عااااااااااالة وقاعدين ضيوف عند دول تانية مش داخلين بجوازات مزورة بس للامانة نيتهم طاهرة

مصر مش تكية زى لبنان للى انتا محتلها .. لما حاولت يركبو شبكة اتصالات جديدة نزلتو جيشكو الشوارع عشان تفرضو امر واقع .. والوطنية للى بتجيلك فى اخر كل شهر اقعد سعتها فى بيتكم وخليك فى ضاحيتك .

هناك ٤ تعليقات:

Magi Mostafa يقول...

تمام كلامك انا برده بقول كده مش معقول نسيب اى حد يشتغل على ارضنا ونسيبه هى مش فوضى

micheal يقول...

كله بينافق وبيدعي أنه بتاع مباديء وفي النهاية كلهم كلاب مصالح يا عزيزي
:)
تحياتي

micheal يقول...

أنت فين يا برنس

FemTo يقول...

انا جيت اهو ... حمدالله على السلامة