عرفتها ازاى

كان يوم معييش فكة

رحت كافيتيريا عشان افك خمسة جنيه

وهيا كانت بتاكل تشيكن ناجتس

وبمد ايدى اخد الفلوس وهيا بتحاسب

راحت الفلوس وقعت فى كيسة الفراخ

حطينا ايدينا فى نفس الوقت انا خايف على الفلوس وهيا خايفة على الفراخ

راح ايدينا لمست بعض

فادتنى بالقلم

رحت ضاربها بالروسية

واخدت كيس الفراخ وطلت اجرى

وفضلت اجرى وهيا ورايا

وفجاء لقيت صوت الجرى بتاعها وقف

ببص لاقيتها اتشنكلت

رجعت اخد بايدها

مدت ايدى مسكت فى ايدى وقامت

قسمنا السندوتشات

وعزمتها على حاجة ساقعة

طلعت انها معجبة بيا

ولانها مش قادرة توصلى قالت تاكل فراخ عشان تفتكرينى

اصل على راسى ريشة

وبعدين لما لقيتنى قدامها مصدقتش نفسها

وضربتنى بالقلم من الفرحة

 وكانت  البداية من قلم لقلم فى ورقة