انا والفيس بوك

مش فاكر عرفته ولا وصلتله ازى بس فى وقت بسيط بقيت مدمنه وبسأل نفسى ازاى عشت كل الوقت ده من غير ميكون عندى فيس بوك

بعمل فيه ايه مش عارف ,

بس الوقت بيعدى مابين بظبط البروفيل بتاعى واخليه بيدل عليا فيه الحاجات للى بحبها والاختبارت بتاعت الشخصية

ومبين بدور على الجروبات والتكتلات للى بتوافق اهتمامتى او الحاجات للى بحب اتابعها وتكتلات للحاجات للى بكرها

ههههههههه ده انا لقيت ناس كتير زيه بتكره تامر حزنى

http://www.facebook.com/group.php?gid=2433408860

http://www.facebook.com/group.php?gid=6572231046


وادعبس فى بروفيلات صحابى واشوف بيعرفوا مين من ورايا - حبقى اطرش فى الزفة ولا ايه - والجروبات للى منضمين ليها
واكتشفت انى فيه حاجات كتير مكنتش اعرفها عنهم وحاجات مكنتش عاوز اعرفها ههههههه .

واحلى حاجة فيه نظام الابلكيشنز يعنى فيه تطبيقات كتيرة ممكن انت تعملها وتضيفها ليه وكيت وكيت وكيت ........

وفيه كمان مشاهير وناس كنت بحبهم ووفرى فرصة لتواصل معاهم زى عمر طاهر والفنان خالد الصاوى والفنان اشرف حمدى

ونجوم سماء التدوين كتيرررررررر اووى بس بلاقيهم بالصدفة .

ونظام التاج للى فى الصور اكثر من رائع انه ممكن تشوف كل الصور للى انتا طلعت فيها بمجرد ما للى رفعها يقول على صورتك اهو ده

ونظام الرسائل والفن وول ... انا الاول مكنش فارق معايا بس دلوقتى بقه ليه تأثير عليا فى تغيير مود اليوم