الاثنين العجيب

حكمة دلوقتى

اعمل الخير و ارميه فى بحر جارى و ان ضاع عند العبد ما يضعش عند البارى

الفاضى

قالو الموبيل خطر لما بيرن جنب الشاشة بتلق تحت فوق
رغم انه لو جت عليه مية بيبوظ ونتا بتستحمى بيها وتروق

خاطرة دينية

( من سئل عن علم فكتمه ألجم يوم القيامة بلجام من نار ).
فالحديث رواه ابن ماجه والترمذي وحسنه أبو داود من حديث أبي هريرة رضي الله عنهم

الحديث منتشر بمعنى مختلف عن معناه بين الناس , المقصود فى الحديث العلم الدينى يعنى احكام الصلاة والمستفتى فى الحلال والحرام و .... . مش زى مواحد قاله فى لجنة لما مرداش حد يغشششه .

كلام فى الهواء

القواعد اتحطت عشان نكسرها على رايى دكتور صفوت ’ كان فيه واحد ماشى لقى يافطة مكتوب عليها ممنوع التدخين قال فكرتنى ووولع سيجارة :) , فالممنوع مرغوب وبتحس ان فيه حاجة فى البنى ادم عاملة روح متمردة مش عاوزة تخضع لاى قوانين سواء كانت مفيدة او ضارة مجرد انها تكسر السور وخلاص ومش مهم ايه للى يجرى بعد كده.