هيا القطط بتنونو ليه ؟ عشان جعانة رغم انه مستبعد انه السبب الوحيد اصله مش معقول انها عندها صوت عشان تحتج على انقباضات المعدة , ممكن عشان بتكلم مع بنات جنسها طب مساعات بتبقى موجود فى مكان كله ناس وبتنونو برضه .
حقيقة القطط ديه بالنسبة ليا كائن جميل بطريقة لا تصدق بشوفها وهيا واقفة كده بكل شموخ فوق العربية او وهيا نايمة وبستغرب لما بشوفها بتجرى لما بتخاف او لما بتكون بتتعارك مع قطط تانية
وتتفرج على تكتيك الاشتباك والانسحاب بيبقى ازاى والقطة للى بتكسب بتبقى ماشية فى خيلاء ازاى واللى انضربت بتبقى واقفة وعاوزة ترد اعتبارها بس مش عارفة ونادر لما بتجرى بعيد بتبقى واقفة قريب من ارض المعركة وبتفكر اعمل ايه يانونو اعمل ايه
ويسلام بقه لما بتكون معاها ولادها بحس فيها بالحنان والشدة فى نفس الوقت ساعات بتسبهم وتمشى وهما للى يجروا وراهم وساعات هيا للى بتزقهم قدمها عشان ميسرحوش منها .
والقطط مش بيليق معاه النكد او اغلبهم بيكونوا كده بتحس فيهم بخفة الدم كدهتلاقيه بيلعب باى حاجة بيدرحج للى بيدحرج معاه وللى مش بيطوعوا ياما بيسيبه ويمشى ياما بيخربش فيه لحد ميخليه شوارع , بس بحس فيهم كده انهم لذاذ ده لو القطط بتكلم كانت خلت محمد سعد يقعد فى بيتهم
وبرضه القطط فيها شخصيات ساعات بحس بقطة كده عندها قلاطة يعنى تقولها هشى تقولك هش انتا ولا بتخاف ولا يهمها وساعات تلاقى واحدة اجبن من الجبن بتجرى من خيالها اصلن ..
انتظروا الجزء التانى لو جيتو يعنى من اصلواااااا :(
المشاركات
هناك ٥ تعليقات:
كل سنه و أنتي طيبه
بمووووووووووووووت في القطط و نفسي في يوم من الايام أربي قطه
:)
تحياتي
انا كمان بموت في القطط
كل سنة وانت طيب يااحمد
ويارب يكون عيدك سعيد
(:
عقبال يارب ما تجيب القطةو كل حاجة نفسك فيها
:)
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
ونتو طيبين وان شاء الله ايامنا الجاية تكون احسن واحلا اياااااام
نورتونى يااخواتى
إرسال تعليق