معيار

اكتر حاجاة مبوظة الدنيا عندنا فى العالم العربى هو اختيار المعايير , فمثلا ما معيار اختيار ذو المناصب وايه هو معيار حكمك على البنى ادم نفسه , يترى بشعره ولا لبسه ولا الدرجة الاكاديمية ولا بوسامته ...توزيع الطلاب على الكليات , فايه علاقة الاقتصاد والاحصاء ودرجاتها بتوزيعك على الكلية وتغيير مجرى حياتك كله, والامتحانات فى الكلية ازاى بتبقى معيار ان الطالب فهم المادة ولا لا...لما دكتور ينقل مسائل من الشيت وخلاص ...ولا واحد نشن وجابت معاه ونجح مع ان حاجات ميعرفش عنها حاجاة بس حظه كده ..فانا نفسى :

الكليات كلها بتبقى باختبارات قدرات بحيث كل واحد يتحط فى المكان الصالح ليه...ونخلى الامتحانات الشفوى عليها كل حاجاة فلما تبقى منك للدكتور اكيد حتعرف توصله للى ممكن متقدرش او متلحقش توصله فى كراسة الاجابة ..وهو بخبرته اكيد حيعرف يطلع الفاهم من للى مش فاهم .


لما حد يقولك خد شهادتك واعمل للى تحبه بعدين...مش فاهم يعنى ايه اضيع من عمرى كام سنة عشان اسمى معايا شهادة حتى لو مش مبحبها او حبقى احسن فى مكان تانى ..يعنى ايه دنتا دكتور او مهندس ..طب الباقيين دول ملهومش لازمة ؟؟

المجتمع بيبص للناس للى فيه بمعايير ما انزل الله بها من سلطان شهادة ايه ولبس ايه ..الدنيا غير كده خالص ..لازم تفكيرنا كله يتغير عشان نبقى احسن المشكلة مش فى الحكومة ولا مين الريس بجد احنا لو اتغيرنا وفكرنا بقى اوسع حنبقى احسن شعوب الارض او على الاقل مش حنبقى العالم التالت