المرة ديه مش عارف مش عاوز اكتب سطور تحت بعض ولا كلام اخره متظبط مع بعض, بس حسيت انى عاوز اتكلم عن قد ايه الواحد بيتمنى حاجات لو تحصل ومش بتحصل وبيفتكر لما تتحقق مش حيعوز حاجة تانية بعدها..بس لما بيشوفها بعينه قدامه ورغم انها نفس الحاجة للى اتمناها بس مش بتريحه زى ماافتكر وبتبقى سبب فى تعب وجرح لمدة جاية طويلة او قصيرة , بس مهما طالت او كانت قصيرة بتتبقى ندبة بتفكرك ووجع مش بيخليك تنسى قد ايه انتا مش عارف تتمنى ايه وتخاف لتتمنى حاجاة تانية لتعيش الباقى زى اللى راح!
كلام مش عارف بكتبه ليه.بسانا كتبته بعد ما قريت موضوع قديم ل مها اسمه ويبقى الامل
الحكايتين مختلفين واخد بالى...بس ماعلينا ادينى ريحت نفسى وخلاص..امال عملنا البلوج ليه:)
كلام مش عارف بكتبه ليه.بسانا كتبته بعد ما قريت موضوع قديم ل مها اسمه ويبقى الامل
الحكايتين مختلفين واخد بالى...بس ماعلينا ادينى ريحت نفسى وخلاص..امال عملنا البلوج ليه:)
المشاركات
هناك ٣ تعليقات:
سلام عليك يا femto
برده اول واحدة
هيييييييه
:)
عارف اكتر كلمة عجبتني:"بس ماعلينا ادينى ريحت نفسى وخلاص..امال عملنا البلوج ليه"
مع انك بتقول انك مش عارف تكتب الا ان الفكرة وصلت و الاحساس بان احنا ممكن حاجة نتمناها في لحظة و نفتكر اننا لو فعلا حصلنا عليها نبقي ملكناالدنيا
...
بس فيه آيه في القران الكريم بحبها جدااا
"بسم الله الرحمن الرحيم .و عسي ان تكرهوا شيئا و هو خير لكم ..و عسي ان تحبوا شئيا و هو شر لكم "
صدق الله العظيم
برده مش عارفة ليه الكلمة بتاعة "اخر حاجة هعوزها في حياتي " فكرتني لما كنت لسه صغنونة - مع اني مش كبيرة اوي برده- و كنت بقول لماما ..هتيلي اللعبة دي و انا عمري ما هطلب حاجة بعدها تاني "..و كنت بشوف اني لو معاي اللعبة ممكن ميكونش ناقصني بعد كده حاجة طول عمري
....
تفكير طفولي اوي ...بس اظن انه ساعات التفكير ده بيفضل معانا لفترة اطول مما نتصور
ممكن يكون عندنا امل في حاجات كتير ...بس مش كل حاجة نفسنا فيها راح تتحقق ...
في الاخر عشان مطولش عليك
لو انت عزت حاجة اوي و محصلتش في الدنيا اعرف يقينا ان لو كنت حصلت عليها في الوقت اللي انت عايزة اكيد انها كانت هتزعلك و تاذيك بعكس توقعاتك ...و انه لو اتأخرت الحاجة اللي انت عايزها ممكن يكون التأخير فيه خير ليك لان ربنا هيختار لك الوقت المناسب و مهما فكرت مش هتقدر تعرف ابعاد الموضوع بقدر اللي خلقك و عارف مصلحتك اكتر منك
و اخيرا لو محصلش اللي انت عايزة خالص برده افرح ...
لان ربنا راح يعوضك عن كل انتظار و ألم في حياتك بفرحة اكبر مما توقعتها انها تكون في حياتك
:)
ارجو اني اكون عرفت اوصل فكرتي و معلش انا فعلا طولت عليك
سلام
مها
طبعا البلوج عشان تتكلم فيه زي مانت عايز وتقول اللي جواك.
احلم باللي عايز تحلم بيه, وان كان الحلم ده ماتتحققش أو لما اتحقق ماكنش زي مانت عايزه, فده مش معناه ان كل الأحلام نهايتها كده, مسير الحلم الكبير هيتحقق ويبقي بالظبط زي مانت عايزه, بس يعني مش من أول مره كده.
احلم انت بس, وسيبها علي ربنا وخليك واثق فيه, وشوف هو هيعملك ايه(((:
Maha
ربنا يكرمك يارب تعليق ادانى امل وقع من شوية منى..ومقدرش اقول غير ونعم بالله..منورة البلوج
sara
ونعم بالله..يارب ينولنا كلنا الاحلام الكبيرة للى نفسنا فيها يارب..شرفيتنى يا اميرة الامل
إرسال تعليق