٢٠٠٧-٠٣-٢٨

مجرد سؤال


رجعنا لبعض بس مش زى زمان
بفتكر ذكرانا وانتى معايا
واقول ياريت نرجع اللى كان

كنت حبيبك وانتى حبيبتى
دلوقتى مش انتى زى مكنتى
والحب بينا مببقاش موجود
بقينا زى التانين بيلقوا بعض
عشان وقت يعدى وايام تفوت

خايف اسيبك اظلم نفسى
ولا ارجع واتعب زى زمان
ارجعلك وتسيبينى ولا اسيبك واموت

هناك ٧ تعليقات:

Saso0o يقول...

الله ايه الجمدان ده يا عم فيمتو
حلو اوى البوست ده و حقيقى كدة
بس عايز نصيحتى سيبها احسن

Loser يقول...

ربنا يعينك يافيمتو على احساسك

ونصيحه متسبهاش .. يمكن الامور تتصلح

Dr karim يقول...

3arf fakrtny b ayam zman ..
kan fe someone 2ally mra, elly bytkser 3omro ma ytsla7 .. ! bs ana msh moQtne3, ana shyf en elly bytkser momkn ytsla7 law el both 3yzen kda .. enta r2yak eh ?

FemTo يقول...

ههههههه شكلها فى معركة هنااا:)


والله ياكريم ان شايف ان مهما عملت عملية تجميل بتتبقى ندبة بتبين انه مش طبيعى :(

maha يقول...

سلام عليك يا femto
حلو اوي البوست بجد
اظن ان لو اي اتنين بيحبوا بعض و الظروف وقفت قدامهم و افترقوا ...لما بيسمح الزمان و النصيب انهم يرجعوا تاني ..مش بيكونوا للاسف نفس البشر ...اظن ان كل واحد بيشيل في نفسه من التاني و من جواه بيعتب عليه و علي الفراق المؤقت و الألم الي عاناه كل طرف في بعد الاخر...ممكن في وقت الفراق يكون كل واحد عمل للتاني مقارنة بينه و بين ناس جداد حواليه ألتقاهم في فترة البعاد
او ممكن يكون الرجوع لمجرد ملء فراغ كان سببه البعاد و لكن التعود هو اللي اتعبهم ..فاصبح اللقاء مرة ثانية لمجرد اسكات صوت بداخلهم ينادي فيهم لرجوع مشاعر من الصعب تعويضها مع احد اخر ...
في النهاية مش كل قصة حب لازم تكمل ...عشان كده ناس كتير بتتعب و تتجرح...لكني حاسة ان الرجوع بيكون لمجرد انه الاتنين اتعودوا علي وجود بعض ..مش لانهم بيحبوا بعض زي زمان
...
جميل البوست يا femto
سلام
مها

Loser يقول...

البوست سخن على رايك يا فيمتو

وكل واحد ليه رايه

...

بس لو اللى منعك منها الظروف

غير لما يمنعك منها الغدر

غير لما يمنعك منها عدم الاتفاق

...

انا شايف لو السبب الظروف حاول تصلح الظروف

ويمكن حاجه تتصلح .. ولا ايه رايك ...

-----------------

وحاجه كمان

هوه بعد عنك عشان مبقاش بيحبك ولا الظروف اجبرته

ولو الظروف اجبرته يعمل ايه ؟؟؟

مش هوه ممكن يكون محتاجك بس مش طايلك بسبب حد غيرك

esraa يقول...

ارجعلك وتسيبينى ولا اسيبك واموت
حلوه أوي بجد