٢٠٠٧-٠١-٠٢

طظ

حتسبنى وتمشى بعيد
حتهجرنى و اعيش وحيد
حتبعنى علشان تبقى سعيد
طظ
فيها ايه لو نسيت اللى بنا
فيها ايه لو قلبك نسينى
مش حعيش فى الدنيا وحدانى
ولا حرجع واقولك سمحينى
بص
انا فرحتى فى راحة قلبى
وراحته فى انه يلقى اللى يحبه
مش اللى بيتعبه معاه
وبيسهره علشان يحلم بذكراه
ولو قدر يجرحه علشان يشوف دمع عين
حبيب لو لفيت كتير مش حتلقى زيه ولو حته ليك قلبين
فهش
هش وروح بالسلامة
ان شاءالله على سكة الندامة
مش حقول اشوفك بخير وانتا بعدك عنى هوه احسن خير
بكرة مسيرك تحب ويتضحك عليك
ويبيعك زى ماعملت فيا
وتحس بغلطك وترجع ليا
وتقول الحق عليا
انسى
انسى حبى القديم
انسى انى بتاع زمان
خلاص انا واحد جديد
بعت البيت وغيرت العنوان

هناك تعليق واحد:

Saso0o يقول...

صح
طظ
كله بيعدى
ألا هو مين اللى اخترع كلمة طظ دى يعنى مين اول واحد قالها
مهما كان اكيد راجل تمام