٢٠٠٦-١٢-١٩

خايف اقرب



مش عارف ليه كل مبشوفك بحس باحساس غريب احساس محستهوش او سمعت عنه اى كلام بحس ان قلبى نسى انه مكانه معايا وعاوز يجرى عليك ويارتنى زيه واقدر اقرب واقول بس خايف خايف انجرح وجرح قلبى مقدرش اعيش بيه هوه الانسان ايه غير قلب بيحب واحساس تحلى حياتك معانيه فقلت خلينى بعيد احسن شوقى ليه اهون عليا من انه يقولى انه مش حيبقى ليا او ان قلبه مش حاسس بحب قلبى ليه

هناك ٨ تعليقات:

غير معرف يقول...

فى قول مأثور بيقول
Love deeply and passionaly you may get hurt but it's the only way to live life compeletly
و مثل برضه بيقول و يفوزُ بالملذاتِ كل مغامرٍ
وانا بقى بقول طظ..كله بيعدى

FemTo يقول...

برضه المفامرة ممكن تخسر..وانا مقدرش عليها...وحلو المثل الاجنبى عجبنى اووى

غير معرف يقول...

طب متقدرش عليها ليه يعنى ايه أسوأ اللى ممكن يحصل
تتجرح تفقد ثقتك فى نفسك ايه المشكلة ما حتقوم و تقف على رجليك و تنسى مش تنسى القصة خالص بس تتهمش تبقى مجرد تجربة
هو انت يعنى متخيل ان الحياة الناجحة و السعيدة هى سلسلة نجاحات مستمرة من غير ولا فشل واحد
لا يا عم الحياة الناجحة و السعيدة سلسلة فشل كتير بيعلمك تقوم تحقق نجاح كبير
نفسى افهم ليه اغلب الناس بيخافو موت من الفشل فى الحياة العاطفية كأنهم بنى ادمين ورق مثلا مع ان الفشل فى حجات تانية كتير ممكن يبقى محبط اوى و محطم
الخلاصة بئى وش كدة
اللى خايف مينزلش من بيتهم احسن و على فكرة برضه و هو فى بيتهم مش حيحس بالامان اصل ممكن البيت يتهد على دماغه فى اى لحظة

ali weeeka يقول...

انا مع راى الاخ ساسو اى حاجه ممكن تعدى مافيهاش كلام , بس بتفرق من شخص لشخص مين اللى يعدى الازمه بسرعه ويفوق ويعرف ان الدنيا تجارب ودى مش نهايه العالم

FemTo يقول...

ياعلى ساسو انسة يازعيم ...ومعاكم حق انا لازم اعمل خطوة مش كله كلام فى كلام

غير معرف يقول...

تفتكر يا على لو انا ولد ممكن يدلعونى ساسو برضه مفيهاش حاجة مش عيب يعنى؟اصلى بفكر أغير بس صعبان عليا اسم الدلع

بص يا كريزى يمكن انا مكنتش موضوعية الاول هو مش موضوع كلام و خطوة من خاف سلم برضه بس هى حسبة كدة بالعقل
انت دلوقتى عندك موقفين موقف انك تتحرم من امتيازات الحب و تتضمن انك متتجرحش بس حتعيش مخنوق و ووحيد
و موقف عندك احتمال انك تتجرح و تعيش وحيد و مخنوق و احتمال لأ وانك تعيش سعيد مع كل الامتيازات
اظن اى عالم اقتصاد يقلك ان الموقف التانى اكثر ربحا
بس كدة

FemTo يقول...

تمام يا استاذ :)

ali weeeka يقول...

تمام يا اخت سوسه , وانا اسف
العتب على النظر , فعلا كلامك تمام انا انا مقتنع بوجهت النظر دى , التجربه مش غلط , بس المهم انك تعرف ان كله سلف ودين وان اللى بتعمله ف شبابك هيتردلك سواء ف عيالك او اخوات لو عندك اخوات بنات او غير كده وفى الاخره هتتحاسب على كده , المهم انا سعيد انى اتعرفت بيك وكل سنه وانتى طيبه وانا اسف مره تانيه