لو سمحت دقيقة ومتقطعنيش
استنى واسمعنى ومتمشيش
انا لو كنت بتنازل عن حاجات بتعملها
وقول انك مش قاصد تضايقنى
فده مش معناه انها مبتجرحنيش
معناه انى باقى على العشرة
وقول مش معقول صداقة تضيع علشان غلطة ممكن تكون متقصدهاش
واقول اكيد خايف عليا واسامح وعمرى ماابيع
انا لما تغيرت مكنش علشان كلامك
ده كان طبيعى علشان خبرة الحياة
واوعى تقولى ان جنابك متعلمش حاجة من دنياه
انا ليا رايى الخاص وليا شخصيتى المستقلة
فبعيش وسط الناس اتعلم واعلم اخسر واكسب
وخبرتنا فى الحياة اللى بتعيشنا ولو اتعلمت حاجة واحدة
فده اكبر مكسب
صدقنى انتا مريض ومش صاحب اخاف عليه
علشان تنتقد صاحبك باسلوب عمره مايتعلم بيه
اسلوب بيأذيه بدل ميبنيه عاوز تدمره بدل ماتاخد بايديه
الكلمة الطيبة صدقة والكلام الفاضى ملوش تمن
واللى فيكم مابيغلطش ملوش حق يعيش فى ده زمن
ويكون مكانه مش هنا يبقى فوق
وده مش موجود ولاحتى مسموح
الكمال لله مش للبنى ادمين
لو غلط صاحبك قله بلين
علشان عمر سيادتك محتعيش حياتك
على الصراط المستقيم
المشاركات
هناك تعليقان (٢):
(إبتسامة عريضة)
ياريت تكون عبرت ومضيقتكيش
إرسال تعليق