٢٠٠٦-١٢-٠٦

مش عاوز ابقى حمار



مش عارف زهقت ليه
رغم انه زى كل مرة
امسك اعصابى واعمل اللى مطلوب منى
شايف انه كل ده ملوش لازمة
روتين تكرارى بضطر اعمله علشان ميبقاش حرام عليا
وكمان علشان ميهونش عليا دى معرفة سنين
واقول استنى لبكرة ممكن الحال يتغير ونرجع زى زمان
لكن خلاص جبت اخرى ومش لاعب
مش مهم بكرة محدش عارف حيجى ولا لا
بس دلوقتى انا مش قادر اكمل الدور اللى بمثل فيه
وبكل حزم قطعت الورقة وقلت مش مجاوب
ولوسمحت عاوز كرنيهى وانا على فكرة مش بفهم منك حاجة
وكل الناس دى بتاخد كورسات تحفظ وتعدى
بس انا خلاص مبقتش قادر اعيش حمار

هناك ٤ تعليقات:

shreef يقول...

الحقيقة انا مش عارف اقولك ايه انت جيت على الجرح ودست جامد مقدرش اقول كلام بعد كلامك...

FemTo يقول...

متقلوش حاجة كلنا فى الهوا سوا

ali weaka يقول...

بس تعرف ان للاسف الحمير فى بلدنا بقى ليهم قيمه,عاوز ترفض ده قرار جرىء بس للاسف الاغلبيه عاوزين يكونو حمير

FemTo يقول...

صح ياويكا , بس المهم الواحد يكون راضى عن نفسه..مهما كان حمار او حمار..مستنيينك علطول