بلو بلو بلو
بغرق وبموت ومحدش واخد باله
محدش معبرنى الخلق ايه جراله
ممكن من بعيد واقف بيتفرج عليا
ولو معاه كاميرا يصورنى لعياله
معدش فيه مرؤة معدش فيه شهامة
امال فين ولاد البلد راحوا فين الرجالة
كله بيدور على نفسه وسيبّنى
ولو كنت مزة بغرق كان الف من ينجدنى
ياناس غريبة بتجرى وراء هيفاء وماتش مين فى اليابان
وبناتكم بتمشى مش لبسة وبتخلى الشباب تعبان
اللى معاه يتحكم فى اللى معاهوش
بكره اللى معاه حيبقى معاهوش
فخلى بالك لما يكون معاك واعمل حساب لما ماتلقيهوش
تعالو نراعى بعض ومنحسسش الغلبان بالحرمان
مش فى ديه بس لكن فى كل حاجة
كلنا جوه ابيض بس الجوع كافر وملعون ابو الحرمان
ياناس ملناش غير بعض كفاية كره العالم لينا
لازم نتحد ونحب بعض وده اللى فى ادينا
خلاص هيا بقت كده , اطلع كفاية تمثيل
يخسارة المقلب , اقفل الكاميرا ياد
الناس مبقتش ناس وانا جبت الدليل
فين الارض رجلى مش لاقيها
ده فيه سحب والميه جرانى
انا بغرق الحقنى ياد مبعرفش اعوم
انزل بسرعة لسه حتقلع الهدوم
مبتعرفش ايه..ياخربيت ده يوم
بلو بلو بلو بلو بلو
المشاركات
هناك ٤ تعليقات:
تحفة بجد يعنى اكتر من رائعة
احساس فظيع و لغة لذيذة
و معنى جامد موت
لا بجد عجبتنى اوى
ربنا يخليكى
وياريت الباقى يكون عجبك برضه :) ننتظرك علطول
جميل كيك الكلمات ديه
ويتعير عن حاجة رغم كلمها البسيط وخفة دمها.للامام علطول يا فيمتو
اهنيك على الكلام الرائع ده,بجد جامده منك,ويسلم فومك بس مين يسمع الناس كلها بتقول يلا نفسى ,والكل بيدور على اللى يسعده مهما تكون العواقب
المهم ,ربنا يبارك فيك وان شاء الله ف تقدم دايما
إرسال تعليق