ايد فى ايد

ايد فى ايد متشبكين
والناس حوالينا مش حسّين
باللى فى قلوبنا مش عارفين
من حب وغرام من زمان
ليام مكنا جيران والبلكونتين متجاورين
فاكرة حبنا اول ما ابتدى كان بالنظرة قبل الكلام
فاكرة شوقنا لما ابتلى بغربتى بعيد
ورجعت لقيت حبك مش ناقص لا بيزيد
فاكرة لما قلتلك حاسنى ولا انا عنك غريب
قلتيلى انتا الحبيب ومين غيرك يكون قريب
من قلبى وبسببك حنانه كل يوم بيفيض
فجاة عرفت انى سرحان فى اللى حصلى من ايام
ايام بعيدة فى النتيجة لكنها عندى لسه قريبة وفاكرها بالدقيقة
سرحت لما شوفت حبيبين فكرونى بينا احنا الاتنين
لكن القدر نروح منه فين..ربنا يرحمك